maunchesmoi warad i gean

a fliesn

weu daun kunntat i springa

maunchesmoi warad i gean

a teppichbodn

und tatad a bissal nochgebn

maunchesmoi warad i gean

a frisch gspochtlte rigipswaund

eigentlich gaunz grod

owa doch a erhaben

maunchesmoi warad i gean

a estrich

wuascht ob trockn oda flüssig

maunchesmoi warad i gean

a laminat

künstlich und do täuschend echt

maunchesmoi warad i gean

a glosplottn

so scheen spiagelglott

owa trotzdem a a bissal otoppt

owa am liabstn warad i

a parkettbodn

weu daun kunntat i mi darauf einlossn