Im Fadenkreuz verfangen

i hob in fodn valuan.

i spul schnö zruck

und spü´s nomoi duach.

woat: I hob guat gfuadat und

vom voda no a fuada gfoadat.

vo da vuadan wood woitat i no wos.

des warat a echte woitat.

i hob nua mea wos vom vuatog,

sogt a audiat. duat drenten, a vadorrte tuatn.

i wett de woa voadatiert, vo de vadaumtn falottn.

do vadiabst da no in mogn, wettata weida,

und hot ma glei in appetit vadoabn.

owa do hot a si vadaun,

weu i hob imma scho guat vadaut.

hmm, imma no ka zwian im hian.

s´muass a fada fodn gwes´n sein.

der hot afoch a fadeout gmocht.